IFS Iluminación Futura Sostible

O CONCEPTO

O espazo interior busca converterse nunha oficina técnica, que sirva de reclamo a novos e potenciais clientes. Con pezas únicas de iluminación, pero que non pareza un sitio de “venda de lámpadas” ao uso. Se non, todo o contrario. Esta idea de oficina é para que a xente saiba a todo o que poden acceder dentro desta empresa: proxectos de iluminación, distribución de iluminación, estudo de iluminación pública, asesoramento, etc

A INTERVENCIÓN

A nivel exterior, o local atópase nun baixo comercial dunha promoción nova de edificios. Como queremos asolagar o local de luz natural, expomos unha fronte moi acristalada para que se vexa a exposición desde a propia beirarrúa.

O proxecto iníciase en outubro de 2019 e a previsión de obra é de 15 meses. Tratabamos de xerar un espazo o máis diáfano posible, sen esquecernos das zonas que necesitaban estar máis illadas como, administración e dirección.
Estas zonas onde se xeran bastante ruído coas chamadas telefónicas, expomos paneis acústicos para controlar a reverberación. Así, cando entren os clientes poidan gozar do confort sensorial e acústico por todo o espazo.

Unha “caixa negra” no centro do espazo , alberga a sala de reunións. Serviunos, para dar intimidade ao despacho de dirección e xerar uns corredores para acceder á zona de aseos e comerciais. Esta volume é unha caixa de sorpresas , non revelaremos o que alberga no seu interior, xa que é obra do propio equipazo de Ifs.

Ifs é o resultado dun traballo arduo, de simplificar nos materiais, de que Carlos e o seu equipo seleccionasen unha chea de pezas de iluminación para ao final conseguir facer a obra cos menos materiais posibles, o que poderiamos dicir un espazo “minimalista” onde o protagonista absoluto é o espazo e as pezas de iluminación seleccionas con tanto mimo .